इच्छापूर्ती

जुने ऐकुनी गोड तराने
आठवात रमली
कळले नाही कधी कशी ती
पावसात भिजली

श्रावणधारा कोसळताना
आस मनी रुजली
हळूच येइल मिठीत घेण्या
म्हणून ती सजली

भेटीमध्ये गुणगुणण्याचे
प्रेमगीत ठरवते
समोर येता सखा, गोंधळुन
भान तिचे हरवते

इश्श्य !, लाजणे बघून, त्याचा
एक चुके ठोका
कटाक्ष तिरपा तिचा, सख्याच्या
काळजास धोका

समोर येता साजन, होते
इच्छापूर्ती खरी
चिंब भिजविती मनास तिचिया
रोमांचांच्या सरी


निशिकांत देशपांडे. मो.क्र. ९८९०७ ९९०२३
E Mail---  nishides1944@yahoo.com