मोदींचे सरकार

मळभ संपले आस लागली
सरेल अंधःकार
पहाट नवखी घेउन येइल
मोदींचे सरकार

नेहरू-गांधी परिवाराचे
जोखड टाकू चला
श्वास मोकळा जरा घ्यायची
अता  शिकू या कला
माय, ल्योक अन् जावयाने
केला हाहा:कार
पहाट नवखी घेउन येइल
मोदींचे सरकार

मनमोहनची इमानदारी
होती त्यांची ढाल
आडून धंदा लुटावयाचा
केली किती धमाल?
आड्डा होता चोरांचा तो
जरी नाव दरबार
पहाट नवखी घेउन येइल
मोदींचे सरकार

पसा अमुचा तरी योजना
नेहरूंच्या नावाने
गांधीही नावात शोभती
अशात नवजोमाने
कुणी लाटला पैसा? जनता
फिरते दारोदार
पहाट नवखी घेउन येइल
मोदींचे सरकार

चव्हाण, राजा, बन्सल सारे
नागवलेले तरी
मान तयांचा तिकीट देउन
शेल्याने भरजरी
प्रामाणिकता फडतुस ठरली
तिचा कुठे सत्कार?
पहाट नवखी घेउन येइल
मोदींचे सरकार

आशा ठेऊ वसंत येइल
बारा महिने इथे
सुशासनाचे सुवर्णयुगही
दिसेल जेथे तिथे
नवीन तारा या बदलांचा
असेल किमयागार
पहाट नवखी घेउन येइल
मोदींचे सरकार


निशिकांत देशपांडे. मो.क्र. ९८९०७ ९९०२३
E Mail--- nishides1944@yahoo.com